As persoas interesadas en participar poderán formalizar a súa inscrición ata o 13 de outubro a través da plataforma habilitada para a proba, en carreiraoleiros.ccnorte.com. A carreira está aberta a deportistas de diferentes idades e contará con categorías desde sub-14 ata máster-65, permitindo así unha ampla posibilidade de participación. A inscrición terá un custo de 5 euros por persoa.
O percorrido terá a súa saída e chegada fronte á Casa do Pobo de Iñás. Comezará ás 12:00 horas e deberá completarse nun tempo máximo de 1 hora e 30 minutos.
Con esta primeira edición, o Concello de Oleiros incorpora unha nova proba ao calendario deportivo municipal, que permitirá combinar a práctica deportiva co percorrido por un dos grandes espazos naturais públicos de Oleiros, o paseo fluvial de Iñás e Nós.