Oleiros, 09 de setembro de 2015-. O próximo luns día 14 de setembro o Concello de Oleiros abre o prazo de inscrición para cubrir as vacantes nos Obradoiros de expresión artística e artesanal que se desenvolven dentro da programación de actividades ocupacionais de Servizos Sociais. Son un total de 46 prazas para os obradoiros de encaixe, pintura, tapiz, manualidades e costura.
Para poder participar, as persoas interesadas deben estar empadroadas no Concello de Oleiros e ter cumpridos os 16 anos.
Podes descargar nesta ligazón o programa: Actividades Ocupacionais de Servizos Sociais