Oleiros, 16 de maio de 2013-. O Goberno local de Oleiros conseguiu que a Consellería de Traballo e Benestar da Xunta de Galicia comprométase a abrir as instalacións da planta alta da Casa do Mar de Mera como centro social para uso dos maiores da zona norte de municipio. O anuncio produciuse esta mañá tras un encontro entre o alcalde de Oleiros, Angel García Seoane e a Conselleira de Benestar, Batriz Mato.
A planta alta da Casa do Mar de Mera funcionou históricamente como centro social ata que en xuño de 2011 o Goberno autonómico decidiu pechar estas instalacións para levar a cabo unha reforma e converter o local nun centro de día cun investimento superior aos 210.000 euros. Case dous anos despois o complexo reformado permanece pechado e sen uso por falta de demanda de prazas para este tipo de servizo. Ante a falta de actividade do centro de día proxectado, o Goberno local levaba meses solicitando á Consellería que as instalacións recuperasen o seu antigo uso e dedicásese a cubrir a forte demanda de uso como local social para as parroquias de Maianca, Serantes e Dexo. Finalmente a Xunta accedeu á solicitude do Concello.
Durante a comparecencia de hoxe, tanto o alcalde como a conselleira, destacaron o entendemento e o consenso existente entre ambas administracións. Non só respecto de este asunto, senón tamén a coincidencia de pareceres na pechadura do centro de día de Arenaza e o traslado dos seus usuarios e usuarias ao novo centro de día das Galeras. Pechadura que se producirá antes de terminar o ano, segundo constatou a propia Beatriz Mato.