Oleiros, 09 de febreiro de 2017-. Mañá ás 12:30 horas un membro do Goberno central visitará oficialmente a N-VI, en Perillo, á altura da intersección de Sol y Mar. Está previsto que a autoridade política do Estado que se desprazará ata Oleiros presente a solución que o Goberno central pretende implantar na N-VI para acabar co grave problema existente co tráfico e a seguridade viaria.
Esta recepción oficial ía celebrarse o venres da pasada semana, pero as adversas condicións climatolóxicas fixeron que o Goberno central suspendera a súa viaxe a Oleiros. O Goberno municipal agarda que o proxecto que se presente mañá elimine definitivamente os atascos e os problemas de seguridade que teñen que soportar a diario milleiros de persoas de Oleiros e de toda a comarca da Coruña.