Oleiros, 06 de abril de 2018-. A noite do vindeiro domingo día 8 de abril iniciaranse os traballos de asfaltado na avenida Ernesto Che Guevara na zona afectada polas obras do sifón. Os traballos realizaranse en horario nocturno, de 22:30 horas a 6:30 horas, e prolongaranse ata o venres.
Trátase da primeira fase de asfaltado deste tramo da avenida Ernesto Che Guevara que afectará ao carril dereito da circulación, dirección sentido A Coruña. Para acometer o asfaltado completo dos dous carrís, que se levará a cabo nas vindeiras semanas, é preciso realizar previamente esta actuación.