Oleiros, 4 de abril de 2018-. O Festival de Bandas de Música de Oleiros celebrará a súa XIII edición o vindeiro domingo ás 19:30 horas, no Auditorio Gabriel García Márquez de Mera. A agrupación convidada este ano é a Banda CMI Santa Cecília de Puçol, dirixida por Xesco Guillem i Escobar, que compartirá escenario coa Banda Sinfónica de Oleiros.
As persoas asistentes poderán gozar dun gran evento musical que conta coa participación de dúas formacións bandísticas de contrastado nivel. A banda valenciana interpretará as obras L’entrà de la murta, Festa paesana Lord, Tullamore e Danza Oriental. Pola súa parte, os anfitrións, dirixidos por Alberto Piñeiro Leiva, tocarán Andrés contrabandista, 1812 e Muiñeira dos Pendellos.