Oleiros, 15 de febreiro de 2016-. O Concello de Oleiros solicitaralle á Deputación da Coruña a entrega da avenida de Santa Cristina e das rúas O Repicho e Bastiagueiro Praia. O Goberno municipal pedirá que a Deputación realice todas as reparacións que necesitan esas tres vías antes de realizar o traspaso.
“Pola súa situación, non ten sentido que esas tres rúas sigan sendo da Deputación. Unha vez que as melloren e nolas entreguen xa sería o Concello o que se encargaría de mantelas en perfecto estado”, explicou o alcalde Ángel García Seoane.