Oleiros, 27 de abril de 2020-. O Concello de Oleiros vai sacar a concurso público por 87.218 euros a talla de 4.165 metros cúbicos de eucaliptos e de 621 metros cúbicos de piñeiros. Os recursos empregaranse para a repoboación dos bosques de titularidade pública con especies autóctonas.
“A través da nosa xestión urbanística fomos adquirindo para o Concello importantes zonas de bosque. Nalgúns casos hai un exceso de eucaliptos e imos cortalos para plantar outro tipo de árbores”, dixo o alcalde Ángel García Seoane.
O Concello vai publicar este contrato nos próximos días. Aquelas empresas madeiristas que desexen presentarse poderán facelo telematicamente.