Oleiros, 6 de setembro de 2017-. Ante as dificultades que teñen os mozos e as mozas para practicar exercicio físico regular fóra do eido federativo ou competitivo, o Concello de Oleiros pon en marcha un ano máis o Programa Xuvenil de Actividade Física para a Saúde que está formado polas actividades de zumba, tono e cardio.
As instalacións deportivas de Perillo, Oleiros e Dorneda acollerán estas actividades que comezarán a primeira semana de outubro e se prolongarán ata o mes de xuño. O programa está dirixido a rapaces e rapazas nados entre os anos 2000 e 2005.