Oleiros, 12 de decembro de 2012-. O Concello de Oleiros organiza unha serie de obradoiros para pais e nais de escolares de primaria e secundaria. Estes obradoiros constarán de cinco sesións de dúas horas de duración cada unha delas, durante o primeiro martes de cada mes no Centro Municipal de Formación en horario de 19:30 a 21:30 horas. O obradoiro de primaria impartirase os días 8 de xaneiro, 5 de febreiro, 5 de marzo, 2 de abril e 7 de maio, mentres que o de secundaria será o 10 de xaneiro, o 14 de febreiro, o 14 de marzo, o 11 de abril e o 9 de maio.
As persoas interesadas poderán inscribirse a partir do próximo venres día 14 no Centro de Información Xuvenil na Fábrica, ou ben por correo electrónico c.xuventude@oleiros.org. O obradoiro é gratuíto. Como acto final dos cursos o día 23 de maio terá lugar ás 20:00 horas no auditorio da Fábrica unha mesa redonda.