Oleiros, 16 de marzo de 2012-. O Concello de Oleiros está a mellorar a pista polideportiva descuberta de Romardeiro. Os equipos técnicos da Concellería de Servizos Municipais están a retirar as estruturas do cerramento metálico da pista, que será renovado. Esta actuación leva aparellado o reforzo dos postes metálicos de soporte, o pintado de todas as estruturas metálicas e a colocación da nova rede. Ademais o Concello instalará bancos no contorno da pista. O prazo de execución dos traballos é dunha semana e o investimento supera os 3.000 euros.