Oleiros, 3 de setembro de 2021-. O Concello de Oleiros adxudicou por 191.204,20 euros as obras de construción de novas beirarrúas nas rúas Doutor Fleming e Xabre. Ademais van crearse novas prazas de aparcamento para vehículos nesta zona do centro de Mera.
“Quixemos que houbese consenso con todos os propietarios afectados para non ter que expropiar. Houbo dificultades pero finalmente chegamos a acordo con todos, entenderon que cedendo o solo necesario para esta obra saían máis beneficiados. A obra que imos facer vai desde Celso Emilio Ferreiro ata a estrada xeral e inclúe tamén unha man da rúa que sube cara o auditorio Gabriel García Márquez”, comentou o alcalde.