Oleiros, 9 de xuño de 2022-. Para garantir a calidade dos servizos públicos durante o verán, é necesario reforzar o cadro de persoal municipal. Por iso, vaise proceder a contratar 62 persoas: 38 para o Servizo de Salvamento e Socorrismo, 6 auxiliares de policía, 3 técnicos de turismo, 6 persoas para o servizo de limpeza de praias, 5 operarios para Servizos Municipais e outras 5 para a brigada de limpeza forestal.
Os gastos extraordinarios do verán superan os 400.000 euros. Unha parte pódense afrontar cos recursos procedentes da ORA, que ademais fomenta a rotación de vehículos e impide que os mellores estacionamentos estean ocupados todo o día polos mesmos vehículos.