Oleiros, 12 de decembro de 2017-. O Club Voleibol Oleiros está a levar a cabo un concurso de logos para escoller o anagrama conmemorativo do seu décimo aniversario. As persoas interesadas en participar poden facelo ata o día 22 de decembro.
Tal e como establecen nas bases, os traballos consistirán na presentación dun logotipo integral, é dicir, un símbolo que faga algún tipo de referencia ao noso décimo aniversario e que se integrará despois ao logotipo do club. Para obter máis información e participar, as persoas interesadas deben dirixirse ao enderezo electrónico: c.v.oleiros.concurso.logo@gmail.com.