Oleiros, 28 de xuño de 2018-. O Concello de Oleiros sumouse á conmemoración do Día Mundial do orgullo LGTBI coa iluminación multicolor do Castelo de Santa Cruz. Ademais, o pleno municipal aprobou unha declaración institucional en defensa da liberdade sexual.
Con este acto simbólico, o Concello de Oleiros pretende reafirmar o compromiso cos dereitos humanos e, en consecuencia, coa diversidade sexual e a non discriminación das persoas pola súa orientación sexual ou identidade de xénero.