Oleiros, 23 de novembro de 2018-. O Concello de Oleiros procederá á iluminación morada do Castelo de Santa Cruz a noite do sábado ao domingo polo Día Internacional para a Eliminación da Violencia contra a Muller. Ademais, o Goberno municipal participa na organización da VII Andaina contra a Violencia de Xénero, que levan a cabo os municipios que integran o Consorcio das Mariñas e que parte mañá ás 10:30 horas da Casa das Palmeiras de Cambre.