Oleiros, 29 de xuño de 2018-. As directivas dos clubs de fútbol de Montrove e Perillo, que teñen concedido o uso, a conservación e a limpeza do campo de fútbol municipal situado en Montrove, denunciaron ante o Concello de Oleiros diversos actos vandálicos neste recinto deportivo. Nos últimos días produciuse a queima do céspede artificial, a rotura das redes de peche do recinto, ataques contra o mobiliario e os bancos de suplentes,....
O Concello de Oleiros tomará as medidas oportunas para sancionar a aquelas persoas que nada teñen que ver cos clubs de fútbol e invaden e usan de forma irregular as instalacións. Dáse a circunstancia que na urbanización Icaria, na que se atopa este campo de fútbol municipal, existen numerosos espazos públicos para xogar á marxe deste recinto, que só poden utilizar os equipos do Atlético Perillo e do Unión Campestre de Montrove.