As alumnas é unha obra de teatro onde se presenta a dúas mulleres, antigas alumnas da mestra María Barbeito, que volven atoparse ao falecer esta última en 1970. Atrás queda a infancia, o mundo que lles abriu a mestra antes de que o Comité de Depuración a afastase do seu traballo na escola. Porén, son as dúas únicas alumnas que lle escribiron cartas contándolle o que foi das súas vidas. A través desas cartas, e da reconstrución daqueles tempos nos que eran as mellores amigas, o público irá descubrindo como as decisións marcan o destino de cadaquén, o medo, a rebeldía...
A duración do espectáculo é de 70 minutos e está dirixido a público maior de 12 anos.
O prezo da entrada é de 4,00 euros. Poderán ser adquiridas con anterioridade á celebración do espectáculo na billeteira electrónica (desde o domingo 29 de setembro ao sábado 5 de outubro ás 19:00h) ou o mesmo día do espectáculo, unha hora antes, na billeteira do auditorio.
Autoría: Paula Carballeira
Dirección: Fina Calleja
Escea: Anabell Gago e Mónica Camaño