Oleiros, 8 de maio de 2012-. As bibliotecas municipais de Oleiros organizan novas sesións da actividade A hora do conto. Con esta iniciativa o Goberno local pretende introducir os nenos e nenas no mundo dos libros a través dunha lectura que poidan comprender. Ao longo destes días desenvolveranse unha serie de actuacións dirixidas a escolares con idades comprendidas entre os 3 e os 10 anos. Terán lugar en todas as bibliotecas municipais e consistirán na narración ou dramatización dun ou varios contos, cun enfoque lúdico que pretende fomentar a imaxinación e a creatividade. Os obxectivos que se perseguen son que os nenos e as nenas participantes se divirtan escoitando contos, facer novos lectores ou consolidar o hábito da lectura. Todos os actos serán ás 18.30 horas. As sesións dos próximos días desenvolveranse nas seguintes bibliotecas municipais:
1. Biblioteca Pública Municipal "Federico García Lorca". Montrove
Martes 8 de maio
CONTACONTOS: Inés Cuadrado
TÍTULOS: “O castiñeiro máxico”, “Ota a gaivota”, “Dous consellos e unha empanada”
2. Biblioteca Pública Municipal "Manuel María". Oleiros
Martes 8 de maio
CONTACONTOS: Marisa Irimia
TÍTULOS: “Teatro de papel”
3. Biblioteca Pública Municipal "Rosalía de Castro". Santa Cruz
Mércores 9 de maio
CONTACONTOS: Andrea Bayer
TÍTULOS: “A cebra Debra”, “O polo Pepe”, “O segredo do rei Curro”, “O gato Guille e os monstros”
4. Biblioteca Pública Municipal "Xograr Mendiño". Lorbé
Mércores 9 de maio
CONTACONTOS: A Xanela do Maxín
TÍTULOS: “Os contos do Titiriteiro”
5. Biblioteca Central "Rialeda". Perillo
Xoves 10 de maio
CONTACONTOS: Rato Camifuco da Compañía do Trinke Trinke
TÍTULOS: “O caracol Remoldiño”, “Chibos chibóns”
6. Biblioteca Pública Municipal "Mª José Trincado". Mera
Venres 11 de maio
CONTACONTOS: Cristina Moreira
TÍTULOS: " Moreiróloga para soñaloides"
7. Biblioteca Pública Municipal "Ánxel Fole". Nós
Venres 11 de maio
CONTACONTOS: Ramiro Neira
TÍTULOS: “Imos de excursión!”, “Os animais do bosque”, “A nube egoísta”