Oleiros, 15 de marzo de 2012-. O Concello de Oleiros presenta esta tarde “Galicia en Letras”, a nova edición do programa de excursionismo e sendeirismo Ven e Descubre. O acto, no que participa o escritor Xosé Neria Vilas, terá lugar ás 18.00 horas no auditorio do Centro Cultural da Fábrica en Perillo. Está previsto que durante o transcurso deste acto un grupo de persoas maiores que participan nos talleres de memoria lean fragmentos das obras de literatas e literatos galegos coas que se denominan as diferentes rutas de excursionismo e sendeirismo do programa municipal, que organiza a Concellería de Servizos Sociais do Concello de Oleiros. A presentación desta tarde contará coa participación de Ángel García Seoane, alcalde de Oleiros e Ignacio Crespo, concelleiro de Servizos Sociais.