Oleiros, 15 de xuño de 2016-. Muebles Pombo e Café Bar Loly enfróntanse o venres ás 21:00 h no pavillón José Antonio García Nieto de Canide na final da Copa da Liga Municipal de Fútbol Sala. Ambos equipos chegan a este partido nun magnífico estado de forma, polo que o espectáculo está totalmente garantido.
Unha vez concluído o encontro, faranse entrega dos trofeos de campión e subcampión da Liga Municipal de Fútbol Sala 2015-2016 que recibirán o Café Bar Loly –primeiro clasificado- e Peluquería Fran –segundo clasificado-. O Samicro recibirá o trofeo da deportividade, Julián do Talleres Oleiros o de máximo goleador do torneo e Dani e Fran do Café Bar Loly o galardón de porteiros menos goleados.