Oleiros, 22 de decembro de 2017-. A artista Marian Ledesma presenta mañá sábado, ás 18:30 horas no auditorio do centro cultural A Fábrica, o seu espectáculo Música de contos. Cancións con ensinanza que nos levan a Oz. A entrada a este espectáculo é gratuíta.
Marian Ledesma achegaranos historias máxicas e descoñecidas a través de cancións que esconden mensaxes. Na súa faceta de narradora, cantará segredos marabillosos e axudaranos a redescubrir aqueles clásicos para todos os públicos.