Oleiros, 18 de setembro 2012-. Mañá martes remata o prazo para inscribir equipos na liga municipal de fútbol sala. A solicitude deberá presentarse nas oficinas do Servizo Municipal de Deportes sita no complexo cultural A Fábrica, en horario de 8.00 a 15.00 horas. Tamén se poderá enviar a ficha de inscrición ao enderezo de correo electrónico a.monteagudo@oleiros.org e j.rodriguez@oleiros.org.
A liga municipal de fútbol sala de Oleiros vai dirixida fundamentalmente aos veciños do noso concello, polo que cada equipo participante deberá contar con xogadores empadroados dentro do termo municipal de Oleiros. O número mínimo de xogadores por equipo será de 8 e un máximo de 15. Os xogadores deberán ter máis de 18 anos.
Unicamente estará permitida a participación do seguinte número de xogadores non empadroados en Oleiros por cada equipo participante:
- Equipos de 8 xogadores, máximo 2 xogadores non empadroados.
- Equipos de 9 e 10 xogadores, máximo 3 xogadores non empadroados.
- Equipos de 11 e 12 xogadores, máximo 4 xogadores non empadroados.
- Equipos de 13 a 15 xogadores, máximo 5 xogadores non empadroados.