Oleiros, 22 de abril de 2014-. O Concello de Oleiros abre mañá o prazo para inscribirse no Programa de actividades de verán, exprésate!! 2014, dedicado a rapaces e rapazas en idade escolar. As preinscricións levaranse a cabo desde mañá 23 de abril ata o 9 de maio na conserxería da Fábrica. O horario será de 8.00 a 15.00 horas e de 17.00 a 21.30 horas e os sábados de 10.00 a 13.30 horas. Tamén serán posibles as inscricións a través da web municipal www.oleiros.org, na Carpeta Cidadá. Non é necesario estar rexistrado para poder realizar este trámite e trátase dunha xestión moi sinxela. A partir do martes 17 de xuño as prazas vacantes poderanse ocupar por calquera persoa interesada, non será necesario estar en lista de reserva.
Calendario de inscrición 2014
Do 23 de abril ao 9 de maio: preinscrición
Do 19 ao 21 de maio: publicación de listas e reclamacións
O 23 de maio: sorteo público
Do 28 ao 30 de maio: publicación de lista definitiva
Do 2 ao 13 de xuño: pagamento e entrega de documentación