Oleiros, 11 de setembro de 2012-. O vindeiro 18 de setembro dará comezo a actividade lectiva na Escola Municipal de Música de Oleiros coa presentación para a elección dos horarios de Música e movemento (alumnado de 2008, 2007, 2006 e 2005).
Os días 19 e 20 de setembro terán lugar o resto das presentacións para a elección dos horarios das especialidades instrumentais e das materias troncais e complementarias (alumnado nacido no 2004 e anteriores).
Toda esta información relativa aos horarios e presentacións estará exposta na Escola Municipal de Música a partir do 12 de setembro.
Do mesmo xeito, o vindeiro luns 17 de setembro dará comezo a actividade lectiva na Escola Municipal de Danza de Oleiros "Antonio Gades" coas presentacións para a elección dos horarios do novo curso escolar 2012-2013.
Toda esta información relativa aos horarios e presentacións estará exposta na Escola a partir do mércores día 12 de setembro.
As clases darán comezo o mércores día 19 de setembro.