Trátase dunha exposición de debuxo e pintura realizada polos nenos e nenas dos CEIP Juana de Vega e Valle Inclán que asisten ás clases de NosArte: arte e pintura, dirixidas pola profesora Laura Gualda, docente e artista desde hai 16 anos. Nesta exposición, conmemorativa do Día das Letras Galegas, tamén colaboraron pais e nais deste gran círculo artístico chamado NosArte.
A inauguración da mostra terá lugar o venres 16 de maio ás 20:00 horas no Centro Cultural A Fábrica en Perillo (Rúa do Inglés, 13).
O horario de visita á exposición será de luns a venres, de 9.00 a 15.00 e de 17.00 a 21.30 horas e sábados de 10.00 a 13.30 horas.
A entrada é libre.