Oleiros, 22 de xuño de 2012-. Esta tarde, a partir das 19.00 horas e mañá ás 12.00 horas, celébranse os catro espectáculos que compoñen o festival de fin de curso da Escola Municipal de Danza. Os actos terán lugar no auditorio Gabriel García Márquez de Mera. Nos distintos espectáculos, que contan coa coreografía de Amaury Lebrum, participan 210 alumnos e alumnas da Escola Municipal de Danza. Ademais colaboran 60 alumnos de canto do coro de adultos e coro de voces brancas da Escola Municipal de Música, que cantarán baixo a dirección de Julio Cobo Messeguer.