Oleiros, 7 de marzo de 2022-. A vindeira fin de semana continúan as actividades do Apego co espectáculo Caderno de cores e cancións, de Magín Blanco. Trátase dun concertoo para nenos e nenas maiores de 3 anos, onde se interpretan as novas cancións de Magín. Haberá un espazo para o xogo entre o público e os artistas onde todos sexan parte activa deses cadernos de cores e cancións.
O espectáculo será o sábado 12 de marzo ás 18.00 h, no Auditorio da Fábrica. As familias interesadas en acudir poden preinscribirse na web municipal.