Oleiros, 9 de febreiro de 2022-. O Concello de Oleiros abre o vindeiro día 15 de febreiro o prazo de inscrición para os obradoiros de ioga e relaxación para persoas maiores de 60 anos. Para inscribirse nesta actividade será preciso chamar ao 981 610 000 en horario de tarde, entre as 16.00 e as 20.00 horas.
Para a realización desta actividade haberá grupos nas localidades de Dorneda, Mera, Oleiros, Santa Cruz, Nós e Perillo. As persoas participantes aprenderán técnicas de preparación corporal, posturas de ioga, exercicios respiratorios, expresión corporal, flexibilidade, eliminación de tensións... co obxectivo de manter o necesario equilibrio e un maior autocoñecemento do seu propio corpo.