Oleiros, 28 de xaneiro de 2022-. Foron contratadas por 339.348,40 euros as obras de creación dun aparcadoiro público nos terreos municipais existentes xunto á nova pista de patinaxe de velocidade, na marxe dereita da avenida Ernesto Che Guevara dirección Santa Cruz. Con esta obra está previsto ordenar toda esta zona, dotándoa de árbores e creando 179 prazas de estacionamento, das que 10 quedarán reservadas para persoas con diversidade funcional.