Oleiros, 23 de xaneiro de 2014-. O Concello de Oleiros organiza para o próximo mércores 28 de xaneiro ás 18:30 horas un novo espectáculo de maxia. A sesión terá lugar na Biblioteca Rosalía de Castro de Santa Cruz onde o Mago Paco, fará as marabillas dos máis cativos cun espectáculo chamado Delicias. A función está dirixida a maiores de 5 anos. O mago fará un percorrido polos mellores xogos de maxia cos que pretenderá sorprender a todo o público a través do mundo fantástico da maxia. As nenas e os nenos serán os verdadeiros protagonistas deste espectáculo diferente, dinámico, cheo de sorpresas, creado por e para eles.