Oleiros, 21 de setembro de 2020-. Entre hoxe e a pasada semana iniciáronse todas as clases das escolas municipais de música, danza e teatro. En total están matriculados polo momento 760 alumnos e alumnas.
As familias do alumnado recibiron un protocolo de adaptación ao COVID, cuxo cumprimento permitirá o funcionamento das escolas coas máximas garantías de seguridade sen merma da calidade na ensinanza das distintas disciplinas. Ás familias que renovaron a matrícula este curso non se lles pasará ao cobro a cota de setembro, en compensación coa correspondente á metade do pasado mes de marzo.