O rigoroso traballo realizado polo Goberno municipal desde o inicio da democracia en canto á conservación do litoral, protección do medio ambiente e ordenación das praias e das súas contornas posibilita a consecución deste destacado recoñecemento.
Bastiagueiro, igual que os outros areais do municipio, dispón dunha calidade de auga excelente para o baño e de todos os servizos necesarios para gozar dos areais con seguridade. Rodeada de parques e numerosos equipamentos públicos é un lugar marabilloso para a convivencia, o lecer e o deporte durante todo o ano.