Oleiros, 21 de xuño de 2021-. Os complexos deportivos municipais de Perillo, Oleiros e Dorneda ofrecen matrícula e mensualidade gratuíta para todas aquelas persoas que se dean de alta no mes de xuño. As instalacións contan cun estrito protocolo sanitario que garante a total seguridade das distintas actividades deportivas.
Ademais da piscina e das salas de musculación, existe un amplo abano de actividades dirixidas por persoal técnico especialista. Tamén están abertas as matrículas para os cursos de natación, tanto de verán como de inverno.
Pode obterse máis información en calquera dos tres centros deportivos, no teléfono 981 611 338, no correo electrónico cd_oleiros@fcc.es ou na web http://www.centrosdeportivosoleiros.es.