Oleiros, 01 de febreiro de 2016-. Desde hoxe, e durante as dúas próximas semanas, un carril da rúa Carreira Cova de Montrove permanecerá pechado ao tráfico debido aos traballos que se están a realizar nese lugar. O carril cortado é o que conecta coa rúa Salvador de Madariaga.
Este corte afecta principalmente aos vehículos procedentes de Oleiros que desexen ir cara ao Seixal. Neses casos deberán xirar á esquerda en Salvador de Madariaga, xunto ao semáforo, e non onde o fan habitualmente.