Oleiros, 20 de xuño 2021-. Mañá abre o prazo para inscribirse no programa de actividades xuvenís Noctamboleiros do mes de xullo que se desenvolve nas casas da mocidade. Están dirixidas a mozos e mozas de 14 a 30 anos e son gratuítas.
Este mes organizaranse un curso de DJ e outro de produción musical, excursións a Verdes e a praia de Cabanas, actividades acuáticas de Kayak e Paddlesurf, un obradoiro de arcilla polimérica, ademais das actividades de radio e as actuacións que se celebran todos os meses.
Para obter máis información ou inscribirse é posible nas casas da mocidade (Santa Cruz e As Pedras), chamar ao 981 614 083, ou enviar un correo a pix.portaberta@gmail.com ou pix.aspedras@gmail.com.