Oleiros, 30 de novembro de 2021-. Xa está aberto o prazo para inscribirse no programa de actividades xuvenís Noctamboleiros do mes de decembro que se desenvolve nas casas da mocidade. As actividades están dirixidas a mozos e mozas de 14 a 30 anos e son gratuítas.
Este mes organizaranse un obradoiro de henna, un curso de empaquetado, obradoiros de igualdade, pintura sobre acetato, saída a Vigo, obradoiro de cociña de nadal, torneo de LOL, festa de pre-noitevella, obradoiro de xornalismo..., ademais de continuar co programa radiofónico Mociradio. Para obter máis información ou inscribirse é posible nas casas da mocidade (Santa Cruz e As Pedras), chamar ao 981 614 083, ou enviar un correo a pix.portaberta@gmail.com ou pix.aspedras@gmail.com.