Oleiros, 30 de xaneiro de 2018-. As sete bibliotecas municipais acollerán Obradoiros de creación de libriños pop-up entroideiros dirixidos a nenos e nenas maiores de 5 anos. A actividade consiste na elaboración de sinxelos libros pop-up realizados con divertidos motivos relacionados co Entroido.
Para participar é imprescindible inscribirse previamente na biblioteca na que se desexe participar, desde dez días antes. Os obradoiros serán en todos os casos ás 17:30 horas. Na Biblioteca María Jose Ruso de Dorneda o día 5 de febreiro, na Biblioteca Manuel María de Oleiros o día 6, na Biblioteca Rosalía de Castro de Santa Cruz o día 7, na Biblioteca Central Rialeda o día 8, na Biblioteca María José Trincado de Mera o día 9, na Biblioteca Xograr Mendiño de Lorbé o día 15 e na Biblioteca Ánxel Fole de Nós o día 16.
Ademais, en todas elas, realizaranse exposicións de libros relacionados co Entroido: obras de disfraces, de distintos tipos de traxes históricos ou de personaxes de contos, de maquillaxe, de máscaras, de manualidades, de festas tradicionais, de cociña, etc.