Obras que non se ven, como a tubaxe xeral para o abastecemento de auga e outras moi visibles como o edificio multiusos de Bastiagueiro atópanse entre estes investimentos que seguen o camiño de mellora constante dos servizos e infraestruturas públicas que definen o modelo de crecemento municipal. Tamén a senda de Naval a Canide, a grada do campo de fútbol de Montrove, a infraestrutura peonil en Bartolomé de las Casas ou a mellora do Pavillón Arsenio Iglesias de Santa Cruz; entre moitas outras obras por todo o municipio.
O incremento de transferencias doutras administracións é importante debido á recente aprobación europea de fondos para diversas iniciativas, que contribúen a aumentar os fondos municipais aos que tamén se suman os impostos directos e indirectos (un terzo do total de ingresos). Estímase ademais que non será preciso recorrer a financiamentos externos polas previsións de incorporar os remanentes de tesourería unha vez finalice o presente ano.