Oleiros, 5 de decembro de 2016-. O Concello de Oleiros pon en marcha un novo curso da Escola Municipal de Surf con 40 prazas para rapaces e rapazas nacidos entre 1996 e 2004. Os mozos que participen nesta actividade disporán de monitores especializados e de todo o material necesario para practicar este deporte.
A actividade terá lugar no centro deportivo municipal da praia de Bastiagueiro desde o 18 de febreiro ata o 17 de xuño, coincidindo sempre co calendario escolar. O prazo de inscrición xa está aberto e finalizará o vindeiro 15 de decembro. As inscricións poderán realizarse nas oficinas do Servizo Municipal de Deportes do centro cultural A Fábrica ou no correo electrónico deportes@oleiros.org.