Oleiros, 21 de outubro de 2020-. O Concello de Oleiros oferta 68 prazas para participar nas tertulias literarias que terán lugar a partir da vindeira semana na Biblioteca Central Rialeda de Perillo e na Biblioteca Rosalía de Castro de Santa Cruz. Todas as persoas maiores de 16 anos poden apuntarse persoalmente nas propias bibliotecas ou nos teléfonos 981 639 511 e 981 626 338.
As 68 prazas distribuiranse en diversos grupos, catro en Rialeda e outros catro en Santa Cruz. Nestas actividades realízase o comentario de obras de distintos xéneros literarios, principalmente narrativa contemporánea, pero tamén se le poesía, teatro e ensaio, nun ambiente de familiaridade, procurando o lado formativo e á vez, lúdico da lectura.