Oleiros, 10 de maio de 2022-. Dentro do programa Andares por Galicia, o Concello de Oleiros organiza unha ruta pola Serra do Barbanza o vindeiro 21 de maio. A actividade ten un custo de 22 euros e está dirixida a persoas maiores de idade, tendo preferencia as persoas empadroadas en Oleiros.
A ruta irá desde Castelo de Vitres ata Curota, percorrendo o Río Coroño, Mosquete, Serra do Barbanza, a Ponte da Portela, Os Forcados ou Miradoiro da Curota entre outros lugares. A distancia a percorrer é de 16,5 km e está cualificada como de dificultade media-alta.
Para inscribirse é preciso cubrir o formulario que aparece a continuación. As prazas adxudicaranse por rigorosa orde de inscrición. Para obter máis información é posible dirixirse ao Departamento de Cultura do Concello de Oleiros, situado no centro cultural A Fábrica, ben fisicamente ou a través do teléfono 981 636 598 ou do correo electrónico r.caparros@oleiros.org.