A proba desenvolverase en dous percorridos adaptados a diferentes niveis de experiencia: un de 3.000 metros (11:00 h) e outro de 1.000 metros (12:00 h), ambos con saída e chegada na praia de Santa Cristina, permitindo a participación tanto de deportistas habituais das travesías en augas abertas como de persoas que se inician nesta modalidade.
A XI Travesía Costa Oleiros Duacode é un evento que combina deporte, promoción do litoral e dinamización do municipio. Ademais do seu carácter competitivo, a xornada volverá ser un espazo de convivencia entre deportistas, familiares e público, contribuíndo a dar a coñecer a riqueza paisaxística da costa de Oleiros e fomentando a práctica da actividade física nunha contorna natural de gran valor.
Con esta iniciativa, o Concello de Oleiros continúa apoiando a organización de eventos deportivos de calidade que promoven hábitos de vida saudables, dinamizan a actividade social e económica do municipio e proxectan a imaxe de Oleiros como un referente para o deporte ao aire libre.