Oleiros, 27 de xuño de 2018-. Durante os meses de xullo, agosto e setembro o Concello de Oleiros oferta rutas guiadas gratuítas polo Monumento Natural Costa de Dexo-Serantes. As persoas interesadas en apuntarse deberán reservar a súa praza chamando ao teléfono 981618154.
As visitas realizaranse os mércores e os domingos. Os técnicos municipais de turismo amosarán os valores naturais, culturais e etnográficos deste marabilloso espazo protexido.