Oleiros, 08 de febreiro de 2017-. O pavillón Arsenio Iglesias de Santa Cruz será o escenario da segunda xornada da Liga de Judo de Oleiros. Ás 10:00 horas está previsto que comece a competición, que se desenvolverá nas categorías infantil e cadete.
Uns 200 deportistas de Galicia e Asturias, entre eles máis de 20 judokas do Judo Club Oleiros, participarán nos combates do sábado. Os demais clubs participantes son: JC Cambre, Shiai, Fibra, JC Coruña, Liceo La Paz, Terras de Santiago, Bitácora, JC Lugo e Asalia Beya.