Oleiros, 22 de marzo de 2016-. A piscina de Perillo estará completamente pechada entre os días 28 e 31 de marzo. Debido ao remate dos traballos de ampliación das instalacións, as persoas usuarias non poderán acceder ao recinto e terán que realizar a súa actividade física nos complexos deportivos de Dorneda, Oleiros ou na piscina da Fábrica. Esta semana o vaso da piscina de Perillo tampouco se poderá usar, aínda que a sala de fitness si que estará operativa.
Os traballos realizados na piscina consistiron na construción duns novos vestiarios, ampliación das salas de musculación e actividades e renovación do sistema de aire acondicionado. En total investíronse 649.828 euros.