Oleiros, 29 de novembro de 2021-. Atendendo á solicitude realizada polo alcalde de Oleiros, a Delegación do Goberno en Galicia comunicou que desde a noite de mañá martes estará permitido de novo o xiro fronte ás naves do Ministerio de Transporte, na N-VI en Perillo. Este xiro atopábase pechado polas obras do túnel de Sol y Mar e causaba importantes molestias aos veciños e veciñas de Beiramar e Agramar.
A reapertura efectuarase a partir das 22:00 horas de mañá martes 30 de novembro. A Demarcación de Estradas do Estado en Galicia en coordinación coa Xefatura Provincial de Tráfico da Coruña analizaron esta posibilidade, concluíndo que o xiro podería reabrirse con seguridade para as persoas usuarias da vía.