Oleiros, 16 de agosto de 2019-. A noite do luns 19 de agosto ao martes 20 de agosto vai efectuarse un corte na circulación na N-VI, entre as 22:00 horas e as 7:00 horas desde a intersección de Sol y Mar ata O Seixal. O tráfico vai desviarse pola avenida Rosalía de Castro e pola Costa da Tapia.
No caso dos residentes nas zonas do Graxal e O Paraíso van poder acceder e saír dos seus domicilios seguindo a sinalización. Entre as 20:00 horas do luns e as 8:00 horas do martes non estará permitido estacionar nas rúas Alamos e Sauces, dado que o tráfico dos residentes deberá transcorrer por estas vías. Nos puntos dos cortes haberá operarios regulando e tamén contarán coa colaboración da Dirección Xeral de Tráfico e da Policía Local.