Oleiros, 26 de novembro de 2015-. Os traballos para dotar de céspede artificial aos campos de Os Regos, Iñás e Montrove comezarán nas próximas semanas. Antes de que remate o ano as máquinas estarán traballando nestes tres recintos deportivos municipais para que dispoñan do novo terreo xogo de xeito inmediato.
Xunto coa instalación do céspede, as obras contemplan outras melloras paralelas necesarias como é, por exemplo, o rego. Ademais, no caso concreto do campo de fútbol de Iñás construirase un peche e os vestiarios serán reformados.
Dado que foron 14 as empresas que se presentaron ao concurso, a adxudicación das obras presentan importantes reducións de custos en relación á estimación inicial de 1.195.304,21 euros.