Oleiros, 2 de novembro de 2021-. O vindeiro domingo 7 de novembro, en horario de 10.00 a 15.00 horas, celebrarase a XXXII edición da Feira do Mel baixo a cuberta da pista polideportiva de Perillo, na avenida da II República. Unha selección dos mellores apicultores galegos virán a Oleiros a expoñer e vender os seus produtos.
As persoas que se acheguen a esta feira poderán coñecer e adquirir todo tipo de alimentos e artigos relacionados co mel, desde os máis tradicionais ata os cosméticos.